Newsletter 

Tetor, Nëntor, Dhjetor
 2019

Rektori Musaj, uron studentët dhe stafin akademik për fillimin e vitit të ri akademik

Rektori i Universitetit “Isa Boletini” në Mitrovicë, prof. dr. Alush Musaj, uron studentët, stafin akademik dhe administratën me rastin e fillimit të vitit të ri akademik. Ai  uron për një vit të suksesshëm akademik dhe të frytshëm për të gjithë.

Rektori Musaj, përkujton se ky është viti i dytë akademik që nis në kampusin e ri universitar, ku janë krijuar kushte jashtëzakonisht të mira pune. Ai gjithashtu cek vazhdimin e punës që është duke u bërë brenda kampusit për objektin tjetër për studentë që është në proces të ndërtimit si dhe konviktin dhe mensën që gjithashtu kanë filluar të ndërtohen.

Poashtu së shpejti, sipas tij, do të nis edhe ndërtimi i fushave sportive për studentë, duke i dhënë gradualisht kampusit pamjen përfundimtare. “Jemi shumë të kënaqur me punën që po bëhet në kampus dhe jemi shumë të vendosur që këtë universitet ta shndërrojmë në një storie suksesi”.

Rektori Musaj, shpreh keqardhje për mosakreditimin institucional për këtë vit akademik, që ka pamundësuar edhe pranimin e studentëve të rinj. “Jepi tepër të indinjuar me procesin e degraduar sa i përket akreditimit, meqë nuk është marrë parasysh gjendja faktike dhe së fundi as nuk është trajtuar ankesa që e kemi bërë. Megjithatë ne jemi shumë të vendosur dhe të përkushtuar që ky universitet të konsolidohet dhe të bëhet vatër e studentëve dhe shkencëtarëve të rinj”.

Me rastin e fillimit të vitit të ri akademik, rektori Musaj, përkujton protestat studentore të 1 tetorit 1997, si një ngjarje që shënon fillimin e fundit të regjimit serb në Kosovë. “Vrulli i studentëve i ka hapur rrugë lirisë së Kosovës, ndërsa tani do t’i hap rrugë forcimit të shtetit të Kosovës”. 

Shërbimi Gjeologjik i Evropës promovon “Konferencën Ndërkombëtare të Gjeoshkencave” që mbahet në Universitetin “Isa Boletini”

“Konferenca Ndërkombëtare Multidiciplinare në Gjeoshkencë”, që organizohet nga Fakulteti i Gjeoshkencave në Universitetin e Mitrovicës “Isa Boletini” (UMIB), Komisioni i Pavarur për Miniera dhe Minerale, Ministria e Zhvillimit Ekonomik dhe Shërbimi Gjeologjik i Kosovës, është vendosur  edhe në listën e aktiviteteve në faqen zyrtare të Shërbimit Gjeologjik Evropian. Si e tillë kjo Konferencë, e cila mbahet më 10 dhe 11 tetor në Universitetin e Mitrovicës “Isa Boletini”, është shndërruar në një  ngjarje shkencore  në gjithë Evropën.

Ndryshe, Konferenca ka zgjuar interesim tek shkencëtarët nga shumë vende të botës. Sipas organizatorëve deri me 20 korrik 2019, kur është mbyllur afati, për pjesëmarrje në konferencë janë regjistruar 86 pjesëmarrës. U bë e ditur se janë dorëzuar gjithsej 75 abstrakte, prej të cilave janë pranuar 52 sosh.

Përveç studiuesve nga universitetet vendore, në konferencë do të marrin pjesë edhe studiues dhe shkencëtarë nga vende të ndryshme të botës, si nga Finlanda, Italia, Polonia, Turqia dhe Sllovenia. Studiuesit që vijnë nga jashtë janë kryesisht profesorë në universitetet, me të cilat Fakulteti i Gjeoshkencave ka bashkëpunim.

Memorandum Bashkëpunimi ndërmjet Fakultetit të Edukimit dhe Ambasadës Amerikane

Fakulteti i Edukimit në Universitetin e Mitrovicës “Isa Boletini” dhe Sektori për Marrëdhënie me Jashtë i Ambasadës Amerikane në Prishtinë, kanë arritur një Memorandum Bashkëpunimi për të krijuar hapësirë punuese për punën e asistentit të gjuhës angleze nga programi Fulbright, i njohur si ETA (English Teaching Assistant). Memorandumi vlen për periudhën kohore 1 tetor 2019 deri më 15 qershor 2020.

Në kuadër të këtij Memorandumi, parterët pajtohen që të punojnë së bashku për ta promovuar mësimdhënien e gjuhës angleze në komunitet, nëpërmjet aktiviteteve, prezantimeve në tema të ndryshme që lidhen me kulturën,  shoqërinë dhe historinë e SHBA-së. Në Memorandum, janë specifikuar përgjegjësitë e institucionit
dhe asistentit që vjen nga programi Fulbright.    

Studentë dhe profesorë nga Åbo Akademi, Finlandë vizitojnë Fakultetin e Gjeoshkencave

Një grup studentësh me mësimdhënësit e tyre nga Åbo Akademi University në Finlandë vizituan Fakultetin e Gjeoshkencave në Universitetin e Mitrovicës “Isa Boletini”. Ata u pritën nga Dekani Naser Peci, i cili i njoftoi rreth programeve, aktiviteteve të ndryshme si dhe Prof Dr. Gani Maliqi, i cili u shpjegoi mbi gjeologjinë e Kosovës dhe mineralizimet.

Pastaj studentët vazhduan vizitën në minierën Trepça në Stantërg, Flotacion (shoqëruar nga Gani Maliqi) dhe mbetjet industriale me rrethinë duke bërë edhe mostrimin e pikave të caktuara (shoqëruar nga Behxhet Shala).

Ky grup studentëve do të qendrojë për dy ditë në Kosovë pastaj do të vazhdojnë vizitën në Shqipëri.

Konferenca e Rektorëve: Universitetet publike viktimë e mospunës së KSHC-së dhe MASHT-it

Komunikata nga Konferenca e Rektorëve

“Konferenca Ndërkombëtare për Gjeoshkencë”, ka mbledhur në Universitetin e Mitrovicës studiues nga vende të ndryshme evropiane

Ka nisur të enjten në Universitetin e Mitrovicës “Isa Boletini” (UMIB), “Konferenca Ndërkombëtare e Gjeoshkencës”, e cila ka zgjuar interesim të jashtëzakonshëm si brenda ashtu edhe jashtë vendit. Në konferencë janë regjistruar 86 pjesëmarrës, ku janë dorëzuar gjithsej 75 abstrakte, prej të cilave janë pranuar 52 sosh.

Përveç studiuesve nga universitetet vendore, në konferencë po marrin pjesë edhe studiues dhe shkencëtarë nga vende të ndryshme të Evropës, si nga Finlanda, Italia, Polonia, Turqia dhe Sllovenia. Konferenca dyditore, e cila organizohet nga UMIB-i, Komisioni i Pavarur për Miniera dhe Minerale, Ministria e Zhvillimit Ekonomik dhe Shërbimi Gjeologjik i Kosovës, është vlerësuar si një ngjarje jashtëzakonisht me rëndësi për gjeoshkencat.

Rektori i UMIB-it, Alush Musaj, ju uroi mirëseardhje mysafirëve në këtë konferencë, e cila sipas tij, paraqet një ngjarje të shënuar jo vetëm për Universitetin e Mitrovicës dhe Mitrovicën, por edhe për gjithë vendin tonë në përgjithësi.
“Jemi të nderuar, që kemi mundësinë të jemi nikoqir të një eventi të këtillë, që është futur si ngjarje dhe në listën e aktiviteteve të vitit 2019 nga Shërbimi Gjeologjik Evropian. Do të thotë konferenca që po e hapim sot është e përmasave evropiane dhe për këtë jemi jashtëzakonisht të lumtur”.

Ai theksoi se prania e shkencëtarëve dhe studiuesve nga vende të ndryshme evropiane, krahas atyre nga rajoni dhe vendi, i japin kuptim të mirëfilltë kësaj konference për gjeoshkencë. “Kosova dhe Mitrovica në veçanti për shkak të specifikave, ka tepër nevojë për ngjarje të këtij karakteri. Ngjarjet me karakter shkencor kanë qenë të pakta dhe kanë mbetur nën hije të rrethanave politike prej pasluftës e këndej në qytetin tonë, prandaj kjo konferencë është një lajm i mirë”, tha Musaj.

Në hapje të konferencës ka folur edhe kryesuesi i Këshillit Organizativ të Konferencës, Sabri Avdullahi, mandej dekani i Fakultetit të Gjeoshkencave, Naser Peci, akademik, Minir Dushi etj. Më pas ka vazhduar pjesa plenare ku janë prezantuar kumtesat e studiuesve vendor dhe të jashtëm. 

Fjalimi i prof. Sabri Avdullahi në hapjen e “Konferencës Ndërkombëtare për Gjeoshkencë”

I nderuari Rektor Musaj,

Inderuari akademik Minir Dushi

I nderuari Minister Hamza…..

I nderuari Minister Shala

Inderuari perfaqsues i ambasades Amerikane Green

I nderuari Kryesues i bordit te KPMM Shabani

Te nderuar profesore, kolege, student dhe te gjithe pjesemarresit tjere

Kam nderin qe ne emer te keshillimit organizativ te konferences t’ju deshiroj mireseardhje ne konferencen e pare multidiciplinare te Gjeoshkencave e cila mbahet ne kampusin e Universitetit “Isa Boletini” ne Mitrovice.

Konferenca e pare nderkombetare “Gjeoshkencat dhe roli i tyre ne zhvillimin e qendrueshem” zgjoi interesim te madh jo vetem brenda vendit, ne regjion e me gjere. E veqanta e kesaj conference eshte edhe perfshirja e kalendarin e sherbimit gjeologjik European.

Ne kete konference pergjate dy diteve ne vijim do te prezentohen 52 punime nga Kosova, Shqiperia, Sllovenia, Finlanda, Polonai dhe Turqia.

Faleminderoj edhe bashke-organizatoret:

• MZHE, gjegjesisht Departamentin e Minierave dhe Sherbimin Gjeologjik te Kosoves,
• Komisionin e Pavarur te Minierave dhe Mineraleve dhe
• Qendra e Inovacionit ne Universitetin e Mitrovices.

Uroje qe kjo konference te vazhdoje edhe ne te ardhmen dhe te jete nje vend takim i hulumtueseve nga vendi, rajoni dhe me gjere.

Ju përshëndes dhe dëshiroj suksese në punën e konferencës

Fjalimi i dekanit, Naser Peci, në hapje të “Konferencës Ndërkombëtare për Gjeoshkencë”

I nderuari Rektor,

I nderuari Akademik, Minir Dushi

Të nderuar Ministra,

I nderuari -Dillon Green, nga Ambasada e Shteteve Bashkuara Amerikës në Kosovë,

Të nderuar përfaqësues Universiteteve,

Të nderuar Pjesëmarrës, Zonja dhe Zotërinj,

Kemi nderin dhe kënaqësinë të ju mirëpresim në Konferencën e Parë Ndërkombëtare Multidisciplinare të Gjeoshkencave – IMGC2019.

E quajtëm Konferenca e parë, jo pse në të kaluarën nuk janë organizuar konferenca nga lëmia gjeoshkencave por për arsyen se e lidhëm me Kampusin e Ri të Universitetit Mitrovicës. Ky është viti i parë që zhvillojmë aktivitetet në këtë kampus. Qëllimi është që koferenca të jetë e rregullt dhe të identifikohemi me Kampusin e Ri. Nëse në Këshillin Organizativ kemi patur dilema që Konferenca të jetë e rregullt pse jo edhe vjetore sot këtë dilemë më nuk e kemi falë pjesëmarrjes Tuaj dhe kontributit Tuaj në këtë Konferencë. Ju falenderoj shumë! Që nga vitet e 1960 Fakulkteti i Gjeoshkencave në Mitrovicë (ish Shkolla e Lartë Tenike, ish Fakulteti i Xehetarisë dhe Metalurgjisë në kuadër të Universitetit Prishtinës, nga viti 2013 Njësi akademike e Universitetit Mitrovicës “Isa BOletini”) ka edukuar ekspert kompetent dhe ka mundësuar kryerjen e kërkimeve profesionale dhe shkencore në fushën e gjeologjisë, xehetarisë dhe material&metalurgji, teknologjisë në bazë të rrethanave sociale dhe ekonomike. Zhvillimi i profesioneve të cekura në Kosovë është mvarur në masë të madhe nga aktivitetet e Fakultetit, derisa stafi i fakultetit gjatë kohës në vazhdimësi ka kontribuar në prosperitetin e këtyre profesioneve në veçanti si dhe në tërë shoqërisë në përgjithësi. Në lidhje me këto zhvillime kemi nderin dhe kënaqësinë që në këtë Konferencë merr pjesë edhe themeluesi i këtyre drejtimve Akademik Minir Dushi. Faleminderit Akademik! Sot shkencat e tokës zhvillohen me shpejtësi, andaj nevoja për cilësi të lartë të njohurive është në rritje të vazhdueshme. Ekonomia e lëndëve të para dhe ekonomia e materialeve janë dy komplekse shkencore që luajnë një rol qendror në zhvillimin e çdo vendi. Ekonomia e lëndëve të para përfshinë hulumtimin, gjetjen dhe shfrytëzimin e lëndëve të para, derisa ekonomia e materialeve përfhinë të gjitha kriteret vlerësuese si dhe parametrat fiziko – kimik, teknik e ekonomik të materialeve, si produkte finale të lëndëve minerale. Njohja e lëndëve të para minerale si dhe ndryshimet e tyre gjatë proceseve natyrore dhe ndikimeve teknogjene është një kusht i rëndësishëm për shfrytëzimin e resurseve gjeologjike natyrore dhe mbajtjen e krijimin e hapësirave jetësore të shoqërisë njerëzore duke përfshirë edhe problemet aktuale të mjedisit, si dhe kompetencën e metodave për hulumtimin dhe menaxhimin e fushave mjedisore. Gjeo-shkencëtarët e dekadave të ardhshme do të përballen me çështje lokale, nacionale dhe globale të ndërlidhura me zvogëlimin e resurseve minerale dhe energjetike, resurset ujore, rreziqet natyrore, si dhe vlerësimin e hapësirave për projekte infrastrukturore dhe zonave banuese.

Më shumë...

Fjalimi i rektorit, Alush Musaj, në hapje të “Konferencës Ndërkombëtare për Gjeoshkencë”

I nderuar, z.Dillon Green nga Ambasada e Shteteve të
Bashkuara të Amerikës në Kosovë

I nderuar, akademik, Minir Dushi

Të nderuar përfaqësues të institucioneve vendore dhe ndërkombëtare

Të nderuar studiues nga vendi, rajoni dhe Evropa

Të nderuar dekanë, prodekanë, mësimdhënës dhe studentëTë nderuar të pranishëm

Më lejoni fillimisht t’ju uroj mirëseardhje në Universitetin e Mitrovicës “Isa Boletini” dhe gjithashtu në “Konferencën e Parë Ndërkombëtare Multidiciplinare në Gjeoshkencë”, e cila organizohet nga universiteti ynë në bashkëpunim me Komisionin e Pavarur për Miniera dhe Minerale, Ministria e Zhvillimit Ekonomik dhe Shërbimi Gjeologjik i Kosovës. Kjo paraqet një ngjarje të shënuar jo vetëm për Universitetin e Mitrovicës dhe Mitrovicën, por edhe për gjithë vendin tonë në përgjithësi.

Jemi të nderuar, që kemi mundësinë të jemi nikoqir të një eventi të këtillë, që është futur si ngjarje dhe në listën e aktiviteteve të vitit 2019 nga Shërbimi Gjeologjik Evropian. Do të thotë konferenca që po e hapim sot është e përmasave evropiane dhe për këtë jemi jashtëzakonisht të lumtur.

Poashtu prania e shkencëtarëve dhe studiuesve nga vende të ndryshme evropiane, krahas atyre nga rajoni dhe vendi, i japin kuptim të mirëfilltë kësaj konference për gjeoshkencë. Më lejoni që në këtë kontekst, të falënderoj secilin prej jush që është i pranishëm sot këtu.

Zonja dhe zotërinj, Kosova dhe Mitrovica në veçanti për shkak të specifikave, ka tepër nevojë për ngjarje të këtij karakteri. Ngjarjet me karakter shkencor kanë qenë të pakta dhe kanë mbetur nën hije të rrethanave politike prej pasluftës e këndej në qytetin tonë, prandaj kjo konferencë është një lajm i mirë.

Është një lajm i mirë meqë ka mbledhur studiues nga vende të ndryshme në universitetin tonë, që përkundër sfidave po konsolidohet përditë e më tepër. Pas rrugëtimit nëpër shtëpi dhe objekte të improvizuara, Universiteti ynë, vitin e kaluar ka nisur punën në këtë kampus të ri, shumë modern dhe përfaqësues. Tani po bëhemi dëshmitar të një
organizimi shkencore sikur ky sot, që është një inkurajim për të gjithë ne, si profesorë dhe studentë.

Të nderuar, ne nuk kemi pasur si të fillojmë vitin e ri akademik më mirë sesa me një ngjarje si kjo, prandaj edhe një herë më lejoni t’ju falënderoj për kontributin tuaj dhe t’ju uroj punë të mbarë.

Ju faleminderit! 

Përmbyll punimet “Konferenca Ndërkombëtare për Gjeoshkencë”

Është përmbyllur të premten “Konferenca Ndërkombëtare e Gjeoshkencës”, e cila është mbajtur për dy ditë radhazi në Universitetin e Mitrovicës “Isa Boletini” (UMIB). Ajo ka mbledhur në qytetin buzë Ibrit studiues dhe shkencëtarë nga vende të ndryshme evropiane, si dhe nga rajoni dhe vendi.

Kryesuesi i Këshillit Organizativ, Sabri Avdullahi, tha se konferenca ka qenë shumë e suksesshme dhe si e tillë i ka bërë nder UMIB-it.
“Jemi shumë të lumtur me interesimin dhe mbarëvajtjen e konferencës, e cila ka qenë një përvojë shumë e mirë për të gjithë ata që kanë qenë pjesë e saj”. 

Sipas tij, punimet shkencore që janë prezantuar në konferencë do të përmblidhen në një botim të veçantë. “Kjo konferencë ka dëshmuar për kapacitetet tona sa i përket organizimit të një ngjarjeje shkencore me
përmasa evropiane”.

Në ditën e dytë të konferencës me punimet e tyre shkencore janë paraqitur studiues të shumtë nga vendi dhe rajoni.  Ndryshe në konferencë janë regjistruar 86 pjesëmarrës, ku janë dorëzuar gjithsej 75 abstrakte, prej të cilave janë pranuar 52 sosh. Konferenca është organizuar nga UMIB-i, Komisioni i Pavarur për Miniera dhe Minerale, Ministria e Zhvillimit Ekonomik dhe Shërbimi Gjeologjik i Kosovës.

Me aktivitete të ndryshme u shënua “Dita Botërore e Ushqimit”

Fakulteti i  Teknologjisë Ushqimore në Universitetin “Isa Boletini” në Mitrovicë, ka organizuar një sërë aktivitetesh për nder të “Ditës Botërore të Ushqimit”. Aktivitetet janë organizuar me qëllim të sensibilizimit të studentëve dhe qytetarëve për rëndësinë e ushqimit të shëndetshëm.

Fillimisht studentët e këtij fakulteti kanë organizuar një prezantim në hollin e objektit universitar për aspekte të ndryshme që lidhen me ushqimin. Ata kanë dhënë sqarime për përmbajtjen e ushqimeve që përdoren më së shpeshti nga studentët dhe për ushqimet që janë të shëndetshme.

Një aktivitet të tillë këta studentë e kanë organizuar edhe në sheshin e qytetit, duke dhënë informacione që lidhen me këtë temë për qytetarët e interesuar. Studentët u shprehën të lumtur për mundësinë që ju është dhënë për t’i prezantuar njohuritë e tyre në këtë lëmi.

Në kuadër të “Ditës Ndërkombëtare të Ushqimit”, në FTU është organizuar edhe një ligjëratë nga zyrtarë të Agjencisë së Ushqimit dhe Veterinarisë, ku kanë marrë pjesë studentë dhe profesorë të këtij fakulteti. Rektori, Alush Musaj, i cili përcolli nga afër këto aktivitete, ka përgëzuar studentët për angazhimin e tyre.

Bashkëpunim me “Debate Center” për të zhvilluar mendimin kritik brenda universitetit

Universiteti i Mitrovicës “Isa Boletini” (UMIB), do të bashkëpunoj me organizatën “Debate Center”, me qëllim të organizimit të punëtorive dhe debateve që kanë të bëjnë me zhvillimin e mendimit kritik të studentëve.  Për realizimin e këtyre aktiviteteve, rektori i UMIB-it, prof.dr.Alush Musaj dhe Erblin Hoxha nga “Debate Center” nënshkruan
edhe një Memorandum Bashkëpunimi. 

Në kuadër të këtij Memorandumi parashihet që të realizohen aktivitete si  punëtori profesionale për trajnimin e studentëve dhe stafit mbi argumentim,  të menduarit kritik, aftësinë e të folurit në publik dhe aftësia e të dëgjuarit. Poashtu parashihet që UMIB të mbështes krijimin e klubeve të qëndrueshme të debatit brenda universitetit.

Rektori Musaj, i ka falënderuar drejtuesit e “Debate Center” për mundësinë e realizimit të përbashkët të aktiviteteve të tilla në të mirë të studentëve dhe të stafit tjetër brenda universitetit. “Është një mundësi e mirë që ofrohet për studentët tanë, prandaj ne shprehim zotimin tonë për të mbështetur aktivitetet që do të realizohen në kuadër të këtij bashkëpunimi”, tha ai.

Ndërsa, Erblin Hoxha nga “Debate Center”, e ka falënderuar rektorin Musaj për mbështetje. “Jemi të inkurajuar me mbështetjen tuaj, prandaj jemi të bindur në suksesin e bashkëpunimit tonë”.

Mirënjohje për organizatorët e “Konferencës Ndërkombëtare për Gjeoshkencë”

Organizatorët e “Konferencës Ndërkombëtare për Gjeoshkencë”, e cila është mbajtur më 10 dhe 11 tetor 2019 në Universitetin e Mitrovicës “Isa Boletini” (UMIB), janë nderuar me mirënjohje për angazhimin e tyre. Në një ceremoni të organizuar për këtë rast, rektori, Alush Musaj, ka përgëzuar Këshillin Organizativ për punën e mirë që kanë bërë dhe për suksesin që ka arritur konferenca.

Rektori Musaj, tha se ka konferenca ka qenë një përvojë jashtëzakonisht e mirë për UMIB-in, për stafin akademik dhe për studentët. “Në saje të kontributit tuaj si organizatorë konferenca ka shkuar shumë mirë dhe ka zgjuar interesim të shumë studiuesve që kanë ardhur nga shtete të ndryshme evropiane dhe nga rajoni”, tha ai, duke shtruar mundësinë që kjo konferencë të bëhet tradicionale. 

Në anën tjetër, kryesuesi i Këshillit Organizativ, Sabri Avdullahi, falënderoi rektorin për mbështetjen e pakursyer sa i përket organizimit të konferencës. Ai theksoi se konferenca ka qenë shumë e suksesshme dhe si e tillë i ka bërë nder UMIB-it.

Sipas tij, punimet shkencore që janë prezantuar në konferencë do të përmblidhen në një botim të veçantë. “Kjo konferencë ka dëshmuar për kapacitetet tona sa i përket organizimit të një ngjarjeje shkencore me përmasa evropiane”.

Konferenca është organizuar nga UMIB-i, Komisioni i Pavarur për Miniera dhe Minerale, Ministria e Zhvillimit Ekonomik dhe Shërbimi Gjeologjik i Kosovës. 

U zgjodhën prorektorët e rinj në Universitetin “Isa Boletini”

Me propozim të rektorit, prof.dr.Alush Musaj, Këshilli Drejtues i Universitetit të Mitrovicës “Isa Boletini” (UMIB), ka votuar dhe zgjedhur prorektorët e rinj në mbledhjen e mbajtur më 21 tetor 2019.  

Në mandatin katërvjeçar prorektore për Mësimdhënie, Çështje të Studentëve dhe Kërkime Shkencore, është zgjedhur, prof. ass. dr. Merita Shala, prorektor për Bashkëpunim Ndërkombëtar dhe Zhvillim të Cilësisë, prof. dr. Behxhet Shala dhe prorektore për  Buxhet dhe Financa, prof.ass. dr. Ajtene Avdullahi.

KD-ja vendos që bursa për studentë në vitin akademik 2019/20 të jetë 1 mijë euro

Këshilli Drejtues(KD) i Universitetit të Mitrovicës “Isa Boletini” (UMIB), në mbledhjen e mbajtur më 21 tetor 2019, ka miratuar kërkesën e Parlamentit Studentor, që edhe për vitin akademik 2019/20 bursa për studentë të jetë në vlerën 1 mijë euro. Rektori, Alush Musaj, e mbështeti një kërkesë të tillë e cila mori edhe përkrahjen e KD-së.  

Kryetari i Parlamentit Studentor, Ensar Suma, e ka falënderuar rektorin dhe KD-në për mbështetje sa i përket kërkesës së tyre. “Është një motivim shtesë për ne si studentë dhe në të njëjtën kohë kjo tregon për bashkëpunimin e ngushtë ndërmjet studentëve dhe menaxhmentit”, tha ai.

Rektori Musaj, pjesë e seminarit “Erasmus+ me Ballkanin Perëndimor”

Rektori i Universitetit “Isa Boletini” në Mitrovicë, prof.dr.Alush Musaj, po merr pjesë në seminarin “Erasmus+ me Ballkanin Perëndimor”, të organizuar nga Komisioni Evropian dhe që po  mbahet në Tiranë. Qëllimi kryesor i seminarit është të shkëmbejë përvoja në fushën e ndërkombëtarizimit dhe të ndërtojë marrëveshje të reja partneriteti midis universiteteve.

Rektori Musaj, tha se në seminar po marrin pjesë rreth 200 përfaqësues nga institucionet e arsimit të lartë (IAL) nga të 34 vende që janë pjesë e programit “Erasmus+” si dhe nga vendet partnere të Ballkanit Perëndimor (Shqipëria, Bosnja dhe Hercegovina, Mali i Zi dhe Kosova). ”Qëllimi është të rritet numri i aplikimeve të rajonit në thirrjen tjetër për propozime nga “Erasmus+”, duke ofruar mundësi konkrete për rrjetëzim”.

Sipas tij, ngjarja do të përfshijë të gjitha veprimet ndërkombëtare të “Erasmus +”, me një fokus të veçantë në Lëvizjen e Kredisë Ndërkombëtare dhe Ndërtimin e Kapaciteteve në Arsimin e Lartë. Ndryshe, si në edicionet e mëparshme, ngjarja do të përfshijë seanca të rrjeteve dhe një seri seminaresh që adresojnë ndër të tjera njohjen, format e aplikimit, përzgjedhjen dhe mbështetjen për pjesëmarrësit etj.

UMIB përfaqësohet në “Innovative Teaching Education in Mathematics” (iTEM)

Tre përfaqësues të Universitetit të Mitrovicës “Isa Boletini” (UMIB), po marrin pjesë në punëtorinë e organizuar në kuadër të projektit “Innovative Teaching Education in Mathematics” (iTEM), që po zhvillohet në Universitetin e Aalborgut në Kopenhagë. Faton Merovci, koordinator i projektit në UMIB, tha se në këtë punëtori po marrin pjesë 43
pjesëmarrës nga shtete të ndryshme, si Kosova, Danimarka, Suedia, Austria, Maqedonia e Veriut, Greqia  dhe Uzbekistani.

Sipas tij, në këtë punëtori po zhvillohen tema të ndryshme, si Rregullat e menaxhimit te projektit, diskutimi rreth objektivave të realizuara në këtë projekt, plani i ardhshëm 6 mujor rreth implementimit të projektit, raporti financiar i
realizuar në kuadër të këtij projekti si dhe trajnimi i stafit për aplikimin e metodave PBL në matematikë që po organizohet nga ekspertët e Universitetit të Aalborg-ut në Danimarkë.

Nga Kosova, përveç nga UMIB-i, po marrin pjesë edhe përfaqësues të Universitetit të Prishtinës dhe Kolegji Universum.

Dy studente të FTU-së morën pjesë në “Konferencën e Tretë Kroate për Vlerësimin e Riskut Ushqimor”

Dy studentet e Fakultetit të Teknologjisë Ushqimore (FTU), Arbnora Durmishaj dhe Ylberinë Baliu, qëndruan për një javë në Osjek të Kroacisë, ku morën pjesë në “Autumn School”, të organizuar nga EFSA dhe Agjensioni Kroat për Ushqim dhe Agrikulturë. Ky aktivitet u mbajt në kuadër të “Konferencës së Tretë Kroate për Vlerësimin e Riskut Ushqimor”.

Qëllimi i konferencës dy ditore ishte shënimi i “Ditës Botërore të Ushqimit”, me një fokus të veçantë në rëndësinë e një ushqyerje të shëndetshme. Poashtu u diskutua edhe për temat lidhur me vlerësimin e ushqyerjes si bazë për vlerësimin e riskut, benefitet e një sistemi kontrolli të unifikuar, harmonizimi i mbledhjes së të dhënave, aktualitetet dhe trendet në vlerësimin e riskut dhe komunikimi me konsumatorët.   

Krahas kësaj, ato kontribuuan edhe në workshopin me titull: “Kërkime mbi aplikimin praktik të vlerësimit të riskut në fushën e sigurisë ushqimore”.
 Në këtë ngjarje pjesëmarrës ishin edhe ekspertë nga vende të tjera të Ballkanit si Bosnja, Mali i Zi, Maqedonia, Serbia e poashtu edhe Turqia. 

Rektori Musaj, po merr pjesë në punëtorinë në kuadër të projektit “HERAS”

Rektori i Universitetit “Isa Boletini” në Mitrovicë, Alush Musaj, është duke marrë pjesë në një punëtori që po mbahet në Vjenë në kuadër të projektit “HERAS”. Në këtë punëtori që është organizuar në përfundim të këtij projekti, po marrin pjesë edhe rektorët e universiteteve tjera publike në Kosovë si dhe përfaqësues të Ministrisë së Arsimit Shkencës dhe Teknologjisë (MASHT) dhe Agjencisë për Kosovës për Akreditim.

Në këtë punëtori do të prezantohen dhe diskutohen rezultatet e projektit “HERAS” dhe gjithashtu edhe përvojat që janë
fituar në lidhje me planifikimin, zbatimin dhe qëndrueshmërinë e projektit. Ndryshe projekti “HERAS”, ka pasur për synim aplikimin e qasjes për  planifikim të arsimit të lartë të bazuar në profilizimin regjional të institucioneve publike
të arsimit të lartë në linjë me Ligjin e ri të arsimit të lartë.

Poashtu projekti ka pasur për qëllim të ndihmojë në ngritjen e cilësisë në universitetet publike, të stimuloj punën kërkimore- shkencore brenda universiteteve dhe orientimit të të rinjve në fushën e shkencave aplikative, për të ndihmuar zhvillimin socio-ekonomik të vendit. Projekti është realizuar në bashkëpunim në mes Agjencisë Austriake për Zhvillim (ADA – Austrian Development Agency) dhe Ministrisë së Arsimit, Shkencës dhe Teknologjisë në Kosovë.

SMU-ja ofron mundësi të mëdha për stafin akademik dhe studentët

Me qëllim të shfrytëzimit sa më të madh dhe efikas të Sistemit për Menaxhimin Universitar (SMU), është organizuar një trajnim me drejtuesit dhe stafin akademik nëpër fakultete. Trajnimi është mbajtur nga administratori i rrjetit, Zymber Haliti, i cili ka ofruar sqarime për mundësitë e mëdha që ofron SMU-ja si për stafin akademik ashtu edhe për studentë.

Në trajnimet që u mbajtën ndaras nëpër njësitë akademike, u kërkua që SMU-ja të shfrytëzohet më tepër, meqë deri me tani nuk ka ndodhur një gjë e tillë. Haliti sqaroi se Sistemi për Menaxhimin Universitar (SMU) është platformë elektronike e menaxhimit të të dhënave për shërbimin e studentëve.

Sipas tij, SMU-ja përbëhet prej shumë moduleve, si: Moduli i aplikimit për regjistrimin e studentëve, Moduli i notimit, Moduli i pagesave studentore, Moduli i ID kartelave të stafit dhe të studentëve,  Moduli i diplomave, Moduli i sigurimit të cilësisë dhe vlerësimit, Moduli i kompetencave dhe përmbajtjeve mësimore, Moduli i bibliotekës etj.

Në Departamentin e Informatikës Inxhinierike u formua “Grupi i programimit”

Me qëllim të avancimit të njohurive në fushën e programimit në Departamentin e Informatikës Inxhinierike në Fakultetin e Inxhinierisë Mekanike dhe Kompjuterike është themeluar “Klubi i programimit”. Ky klub drejtohet nga shefi i Departamentit të Informatikë Inxhinierike, Ass.Berat Ujkani.

Ndryshe klubi synon të mbledh të gjithë studentët që kanë interes të shtuar për programim, të cilët përmes takimeve të rregullta në kampus punonojnë praktikisht të avancojnë dijet e tyre. Shefi i departamentit, tregon se ky aktivitet do të mbahet tri herë në javë.

Më saktë, të hënave prej orës 15:00-18:00, të martave prej orës 15:00-18:00 dhe të premtëve prej orës 10:00-15:00. “Në kuadër të sesioni dimëror për vitin akademik 2019/2020, aktivitetet do të mbahen brenda periudhës 11.11.2019-10.01.2020”, thotë ai.

U mbajt sesion informues me studentë për Programin Erasmus+

Studentët e Universitetit të Mitrovicës “Isa Boletini” (UMIB), janë njoftuar për procedurat e aplikimit në Programin Erasmus+ në një sesion të veçantë. Ky sesion u organizua pas hapjes së procedurave për aplikim për vitin 2020.

Studentët u ftuan që të bëhen e këtij programi, duke pasur parasysh mundësitë e mëdha që ofrohen. U potencua fakti se deri me tani nuk janë shfrytëzuar sa duhet këto mundësi, prandaj kërkohet një mobilizim më i madh në këtë drejtim.

Ndryshe ditë me parë, një sesion informues për këtë qëllim u mbajt edhe me stafin akademik të UMIB-it.

Grupi punues i RVV mbajti takimin e radhës

Grupi i punës për Raportin Vetë- vlerësues ka mbajtur takimin e radhës ku është biseduar për pika të veçanta për këtë dokument me rëndësi për Universitetin. Në këtë kuadër anëtarët e grupit, duke përfshirë edhe prorektorët, vlerësuan përkushtimin dhe punën e mirë që është bërë deri me tani.

Konkretisht në këtë takim u bisedua për formatin e Planit Strategjik, një dokument me peshë tepër të veçantë edhe sa i përket akreditimit institucional. Në këtë kontekst, u diskutua për objektivat specifike në kuadër të këtij plani,  formimin e grupeve të vogla për pika të veçantë etj.

Ndryshe për hartimin dhe ndryshimin e dokumenteve me rëndësi për Universitetin, janë formuar disa grupe punuese, ku janë përfshirë menaxhmenti, administrata, stafi akademik dhe studentët.

UMIB-i – pjesë e aktiviteteve të shumta që ndërlidhen me arsimin e lartë në Kosovë

Prorektorja për Mësimdhënie, Çështje të Studentëve dhe Kërkime Shkencore në Universitetin “Isa Boletini” në Mitrovicë, Merita Shala, mori pjesë në  tryezën e rrumbullakët dhe punëtorinë me temë “Status quo e Kërkimit dhe Zhvillimit të Inovacionit në Kosovë: Mendimet për R&I të ardhshme të Kosovës”. Punëtoria u organizua nga HERAS  në bashkëpunim dhe koordinim të ngushtë me Ministrinë e Arsimit, Shkencës dhe Teknologjisë.

Ngjarja mblodhi më shumë se 50 pjesëmarrës nga institucione qeveritare, organizata ndërkombëtare në Kosovë, institucione të arsimit të lartë dhe kërkimit, OJQ, studiues dhe ekspertë ndërkombëtarë e vendorë. Qëllimi i këtij aktiviteti ishte lëshimi i raportit për Hartimin e Sistemit të Kërkimit dhe Inovacionit në Kosovë. Ky raport është një përpjekje e parë për të ofruar një pamje të parë të sistemit aktual R&I në Kosovë, përfshirë sfidat dhe boshllëqet që ai ka në të vërtetë.

Prorektorja Shala dhe prorektorja për Buxhet dhe Financa, Ajtene Avdullahi së bashku me 30 studentë të Fakultetit të Edukimit, morën pjesë në Konferencën “Fuqizimi i Kujdesit, Zhvillimit dhe Edukimit në Fëmijërinë e Hershme në Kosovë”, që u zhvillua në Prishtinë. Konferenca ishte një mundësi për hartuesit e politikave, ofruesit e shërbimeve, përfaqësuesit nga akademia dhe akterë të tjerë, për t’u informuar dhe ndarë praktikat më të mira mbi rëndësinë e investimeve në kujdesin dhe zhvillimin e fëmijërisë së hershme.

Në kuadër të aktiviteteve të shumta për arsimin e lartë, prorektorja për Buxhet dhe Financa, Ajtene Avdullahi,  mori pjesë në punëtorinë e parë që u organizua si pjesë e projektit “Cilësi, llogaridhënie, integritet dhe transparencë në arsimin e lartë (QAINT)”, Kjo punëtori u zhvillua me qëllim të hartimit të një skeme të grandeve për mësimdhënie të mbështetur në punë hulumtuese, e cila do të bashkë financohet dhe do të menaxhohet nga Ministra e Arsimit, Shkencës dhe Teknologjisë (MAShT).

Përmes kësaj skeme të grandeve do të përfitojnë mësimdhënësit e rinj të universiteteve publike, të cilët tashmë kanë aplikuar, ose do të aplikojnë në të ardhmen, në klasat e tyre mësimdhënie të mbështetur në punë hulumtuese.

 UMIB-i është përfaqësuar edhe në ditën informuese “COST awareness DAY” për Programin e Bashkëpunimit Evropian në Shkencë dhe Teknologji, që u zhvillua   në Bibliotekën Kombëtare në Prishtinë.  Aktiviteti u organizua  nga Ministria e Arsimit, Shkencës dhe e Teknologjisë, në bashkëpunim me Asociacionin COST dhe  kishte për qëllim ofrimin e informatave rreth mundësive të përfitimit që kanë hulumtuesit nga Kosova në kuadër të asociacionit COST, përfshirë ndarjen e praktikave të mira dhe aspektin praktik.

Anëtarë të stafit të ri akademik të UMIB-it, morën pjesë në  trajnimin mbi “Integritetin e Kërkimit”, i cili u, në  ambientet e Ministrisë së Arsimit, Shkencës dhe Teknologjisë.

Trajnimi ofroi njohuri mbi argumentet kryesore të Kodit Evropian të Sjelljes për Kërkime, Integritet dhe tregoi sesi kodi zbatohet në Austri dhe në të gjithë Evropën. Komisioni Evropian njeh këtë Kod si dokumentin referues për integritetin e kërkimit për të gjitha projektet kërkimore të financuara nga BE dhe si një model për organizatat dhe studiuesit në të gjithë Evropën.

Ngjarja është organizuar nga HERAS në bashkëpunim dhe koordinim të ngushtë me MASHT.

U mbajt “Panairi i Parë i Punës dhe Karrierës” në Universitetin “Isa Boletini”

Organizuar nga Qendra për Zhvillim të Karrierës dhe mbështetur nga GIZ-i, është mbajtur të enjten “Panairi i Parë i Punës dhe Karrierës” në Universitetin e Mitrovicës “Isa Boletini” (UMIB). Në këtë aktivitetet kanë marrë pjesë kompani private, kompani publike si dhe janë prezantuar fakultetet e UMIB-it.

Në ceremoninë e hapjes së panairit, rektori i UMIB-it, Alush Musaj, falënderoi kompanitë për pjesëmarrje dhe bashkëpunim. “Bashkëpunimi ndërmjet universitetit dhe biznesit, jo që është nevojë për është imperativ.  Sa më shumë që ofrohemi si botë akademike dhe si biznes aq më shumë krijohet mundësia për të qenë të suksesshëm të dyja palët. Dhe kur ne jemi të suksesshëm atëherë është e suksesshme edhe vetë shoqëria”, tha ai.

Sipas tij, UMIB-i është duke provuar që të hapet sa më shumë për biznesin, për idetë e tyre dhe për përvojën e tyre. Ai theksoi se po provojnë gjithashtu të përshtaten me kërkesat dhe nevojat e tregut, në mënyrë që studentët të jenë ta gatshëm dhe të përgatitur për trendët e reja.

Në këtë kontekst, ai përmendi se përveç programeve, kabineteve, laboratorëve që ofrohen në UMIB, një segment tepër të rëndësishëm paraqet bashkëpunimi me kompanitë publike dhe ato private në vend. Si rrjedhojë, tha se studentët mund të kryejnë praktikën në kompanitë që ndërlidhen me natyrën e studimeve, duke e zënë shpejtë hapin e teknologjisë së re.

Rektori Musaj, tha se ndërsa ngjarjet sikur “Panairi i punës dhe karrierës”, jo vetëm që e pasurojnë kalendarin e aktiviteteve universitare, por në të njëjtën kohë  hapin shtigje të reja.

“Panairi i Parë i Punës dhe Karrierës” në universitetin tonë është një përvojë e re. Është një mundësi e vendosjes së komunikimit ndërmjet fakulteteve dhe biznesit dhe identifikimit të nevojave të njëri-tjetrit”.

Në emër të bizneseve foli, Gani Durmishaj nga qumështorja “Aldi”, i cili vlerësoi bashkëpunimin e mirë që kanë me UMIB-in. “Kemi vërejtur se studentët janë shumë mirë të përgatitur teorikisht, por që kanë nevojë për mbështetje për punë praktike. Jemi të hapur si biznese që të thellojmë bashkëpunimin me universitetin, ndërkohë që panairi është një mundësi e mirë e identifikimit të mundësive për bashkëpunim”.

Përfaqësuesi i GIZ-it, Rrahim Trepça, çmoi organizimin  e mirë të panairit dhe premtoi vazhdimin e bashkëpunimit me UMIB-in. “Ky është hapi i parë dhe jemi të vendosur që ta thellojmë bashkëpunimin me UMIB-in në të mirë të studentëve dhe stafit akademik”.

Ndërsa, kryetari i Parlamentit Studentor, Ensar Suma, tha se panairi është një mundësi e ofrimit të studentëve me kompanitë që kanë nevojë për kuadro të fushave të ndryshme. “Padyshim se ky aktivitet shpërfaq nevojën e intensifikimit të bashkëpunimit me biznesin, për t’u përshtatur më lehtë me kërkesat e tregut të punës”, tha ai.

Panairi ka qenë një ditor dhe ka zgjuar interesimin e studentëve dhe stafit akademik, që janë bërë pjesë e kësaj ngjarjeje.

Vazhdon bashkëpunimi me Universitetin “Van Hall Larestein” nga Holanda

Në kuadër të programit ERASMUS+, Universiteti i Mitrovicës “Isa Boletini” (UMIB), vazhdon bashkëpunimin me Universitetin e Shkencave të Aplikuara “Van Hall Larenstein” të Holandës edhe në vitin akademik 2019/2020. Ky është viti i tretë i bashkëpunimit, ku përfshihet shkëmbimi i stafit dhe studentëve.

Të gjitha shkëmbimet janë planifikuar për semestrin e dytë dhe ato duhet të përfundohen para 1 korrikut 2020. Në këtë kuadër përfshihen edhe këto aktivitete: Katër studentë nga FTU-ja do të shkojnë për të studiuar në Holandë për 5 muaj duke filluar nga muaji shkurt,  dy studentë  do të shkojnë për të studiuar teknologjinë e ujit- shkencat mjedisore dhe dy të tjerë për të studiuar teknologjinë e qumështit.

Dy mësimdhënës të FTU-s do të qëndrojnë në Holandë 5 ditë. Njëri mësimdhënës për teknologjinë e qumështit dhe tjetri për teknologjinë e ujit. Këta do ta mbajnë edhe nga një ligjëratë në fushat përkatëse.

Ndërsa, nga Holanda në FTU do të qëndrojnë dy herë nga 2 studentë në një periudhë 3-mujore. Ndërsa 2 studentë të Shkencave të Mjedisit do të vijnë për të punuar në çështjet e teknologjisë së ujit dhe në industrinë e qumështit. Një profesor do mbajë ligjërta  për teknologjinë e qumështit, ndërsa një tjetër  për teknologjinë e ujit.

Rektori Musaj, shpreh ngushëllime për viktimat nga tërmeti në Shqipëri

Rektori i Universitetit “Isa Boletini” në Mitrovicë, prof.dr.Alush Musaj, shpreh ngushëllimet me të sinqerta për familjet e viktimave që pësuan nga tërmeti që ndodhi të martën në Shqipëri.

Gjithashtu ai bashkëndjen me familjet që nuk dinë ende për fatin e të afërmve të tyre dhe me gjithë popullin shqiptar në këto momente të rënda.

Urimi i rektorit Musaj për 28 Nëntorin – Ditën e Flamurit

Të nderuar studentë, profesorë dhe punëtorë të administratës së Universitetit të Mitrovicës “Isa Boletini”

Të nderuar shqiptarë kudo që jeni

Më lejoni që t’ju uroj 28 Nëntorin – Ditën e Flamurit

Gjithashtu  me këtë rast përkujtojmë dhe shënojmë edhe paraqitjen e parë publike të Ushtrisë Çlirimtare të Kosovës si dhe ditëlindjen e Komandantit Legjendar, Adem Jashari, ngjarje këto që lidhen me këtë datë historike për kombin tonë.

Festat e Nëntorit zakonisht për shqiptarët kanë qenë dhe mbeten momente frymëzimi. Këtë forcë na duhet ta shfrytëzojmë këtë vit për të përballuar bashkërisht dhimbjen dhe gjendjen e krijuar pas tërmetit në Shqipëri. Edhe një herë dua të ngushëlloj familjet e viktimave dhe të bashkëndjej me të gjithë ata që kanë pësuar nga kjo ngjarje e rëndë.

Urojmë që festat tjera të nëntorit të na gjejnë në paqe dhe mirëqenie në vendet tona dhe në harmoni me njëri-tjetrin.

Ju faleminderit!

Rektori i Universitetit të Mitrovicës “Isa Boletini”

Prof.dr.Alush Musaj

Studentët vizituan Prekazin me rastin e 28 Nëntorit

Një grup i studentëve të Universitetit të Mitrovicës “Isa Boletini” (UMIB), të prirë nga drejtuesit e Parlamentit Studentor, kanë vizituar Kompleksin Përkujtimor “Adem Jashari” në Prekaz me rastin e 28 Nëntorit – Ditës së Flamurit. Ata janë përulur para të rënënve për liri për të nderuar Ditën e Flamurit, ditëlindjen e Komandantit Legjendar, Adem Jashari dhe paraqitjen publike të UÇK-së.
Ensar Suma, kryetar i Parlamentit Studentor, tha se 28 Nëntori është festë e shqiptarëve kudo që janë. “Është një datë simbol për të gjithë ne, është një frymëzim dhe energji për kombin tonë”, tha ai.
Me këtë rast ai ftoi që kjo festë të bashkoi shqiptarët të përballuar sa më lehtë gjendjen e krijuar pas tërmetit në Shqipëri.

Rektori Musaj pret në takim përfaqësuesen e OJQ-së “Little People of Kosova”

Në “Ditën Botërore të Personave me Aftësi të Kufizuara”, rektori i Universitetit të Mitrovicës “Isa Boletini”, Alush Musaj, priti në takim përfaqësuesen e Organizatës Joqeveritare “Little People of Kosova” z. Hiljmnijeta Apuk, laureate e çmimit prestigjoz të Kombeve të Bashkuara në fushën e të drejtave të njeriut.

Rektori Musaj, shpjegoi standardet që kampusi universitar i UMIB-it i plotëson në lehtësimin e qasjes së personave me aftësi të kufizuara. Në kampusin e ri universitar nuk ka barriera për personat me aftësi të kufizuara, ekzistojnë platforma të veçanta për karroca, platforma në amfiteatrot e fakulteteve dhe rektoratit, tualete të posaçme, ashensorë dhe parking i rezervuar.

Të dy palët u pajtuan që Universiteti i Mitrovicës “Isa Boletini” me kampusin e ri universitar është ndër të paktat universitete në Kosovë që plotëson kushtet për persona me aftësi të kufizuara.

Rektori Musaj u shpreh që në të ardhmen e afërt, konvikti për studentë që është në ndërtim e sipër do të ketë dhoma që i plotësojnë të gjitha kushtet për banim për studentët me nevoja të veçanta.

Prorektorja Shala takoi përfaqësuesit e studentëve

Menaxhmenti i Universitetit të Mitrovicës “Isa Boletini” (UMIB) dhe Parlamenti Studentor do të bashkërendojnë veprimet në të mirë të studentëve. Për këtë u dakorduan në një takim të përbashkët, prorektorja për Mësimdhënie, Çështje të Studentëve dhe Kërkime Shkencore, Merita Shala dhe drejtuesit e Parlamentit Studentor.

Prorektorja Shala, përgëzoi fillimisht studentët për aktivitetet e tyre, të cilat e kanë dinamizuar jetën studentore në UMIB. Ajo shprehu mbështetje në emër të menaxhmentit për të gjitha nismat dhe aktivitetet studentore, të cilat ndikojnë edhe në rritjen e cilësisë së punës në universitet.

Në anën tjetër, kryetari i Parlamentit Studentor, Ensar Suma, falënderoi prorektoren për pritjen dhe gatishmërinë për intensifikim të bashkëpunimit. “Dua të shfrytëzoj rastin që t’ju falënderoj në emër të Parlamentit Studentor për mbështetjen që kemi nga menaxhmenti dhe drejtpërdrejtë nga rektori për aktivitetet tona”.

Në këtë kuadër, studentët shtruan nevojën që biblioteka universitare në kampusin e ri, të hapet në ora 08:00 dhe të qëndroj e hapur deri në orën 18:00. Gjithashtu ata pranuan që kanë nevojë të organizohet  një trajnim për përdorimin e Sistemit të Menaxhimit Universitar (SMU).

Rektori Musaj vizitoi Universitetin e Evropës Juglindore në Tetovë

Universiteti i Mitrovicës “Isa Boletini” (UMIB) do të intensifikoj bashkëpunimin me Universitetin e Evropës Juglindore në Tetovë (UEJL). Për këtë u dakorduan gjatë një takimi të përbashkët në Tetovë, rektori i UMIB-it, Alush Musaj me homologun e tij, Abdylmenaf Bexheti.

Në takim ku ishte i pranishëm edhe kryesuesi i Këshillit Drejtues të UMIB-it, Ali Topalli dhe zëvendëskryesuesi, Musa Dibrani, u bisedua për fushat e përbashkëta ku mund të shtrihet bashkëpunimi ndëruniversitar. Në këtë kontekst, u potencua ngritja e kapaciteteve humane dhe projektet e përbashkëta.

Rektori Musaj dhe homologu i tij shprehën gatishmërinë për të vazhduar komunikimin në mënyrë që bashkëpunimi të shtrihet edhe në nivel të vetë profesorëve dhe studentëve të të dy universiteteve.

Projekt për  punë praktike me pagesë për studentët e programeve teknike

Studentët e programeve teknike në Universitetin e Mitrovicës “Isa Boletini” (UMIB), do të mund të angazhohen në punë praktike me pagesë për një periudhë 6-mujrore pas diplomimit. Ky projekt do të realizohet në bashkëpunim ndërmjet UMIB-it, GIZ-it dhe Zyrës së Punësimit në Mitrovicë.

Në një takim të përbashkët, zyrtarë të këtyre institucioneve, u dakorduan për detajet që kanë të bëjnë me realizimin e këtij projekti në të mirë të studentëve. Në këtë kuadër planifikohet që 100 studentë të programeve teknike të angazhohen në punë praktike me pagesë, pasi që të regjistrohen në Zyrën për Punësim.

Prorektorja për Mësimdhënie, Çështje të Studentëve dhe Kërkime Shkencore, Merita Shala, falënderoi GIZ-in dhe Zyrën e Punësimit për këtë mundësi për studentët e UMIB-it. “Është një projekt shumë atraktiv për studentët tanë, të cilët i ftojmë që të shfrytëzojnë këtë mundësi duke përfituar nga puna praktike dhe duke u paguar në të njëjtën kohë”.

Në anën tjetër, Vjosa Mullatahiri nga GIZ-i dhe Besmir Salihu nga Zyra për Punësim, shprehën kënaqësinë që mund të ndihmojnë për realizimin e këtij projekti.

Stafi akademik dhe studentët u njoftuan për skemat nacionale të grandeve për kërkime shkencore, inovacion dhe bashkëpunim ndërkombëtar  

Drejtues të Universitetit të Mitrovicës “Isa Boletini” (UMIB), profesorë dhe studentë, kanë marrë pjesë në Ditën Informuese të organizuar nga Ministria e Arsimit, Shkencës dhe Teknologjisë për promovimin e skemave nacionale të kërkimit. Gjithashtu në këtë aktivitet që u mbajt në hapësirat e UMIB-it, zyrtarët e MASHT-it kanë prezantuar edhe mundësitë e mbështetjes për inovacion dhe bashkëpunim ndërkombëtar.

Fillimisht të pranishmit i ka përshëndetur rektori i UMIB-it, Alush Musaj, i cili falënderoi zyrtarët e MASHT-it për organizimin e këtij prezantimi. “Kemi vlerësuar se është e nevojshme të organizohen aktivitete të tilla, në mënyrë që stafi akademik dhe studentët të njoftohen nga dora e parë për këto mundësi që ju ofrohen sa i përket kërkimeve shkencore”, tha ai, duke bërë thirrje që të shfrytëzohen sa më shumë këto mundësi.

Në anën tjetër, zyrtarët e MASHT-it, folën për fushat dhe kriteret sa i përket grandeve që ofrohen në kuadër të skemave nacionale të kërkimit shkencor, programeve ndërkombëtare të kërkimit dhe mobilitetit akademik dhe të studentëve. Ata gjithashtu sqaruan procedurat për projektet e vogla shkencore, publikimet shkencore në revista me impact factor etj.

Mirënjohje për studentët që kanë përfituar bursën universitare

Rektori i Universitetit “Isa Boletini” në Mitrovicë, Alush Musaj, ka ndarë të martën mirënjohje për 71 studentë që kanë përfituar bursën universitare për vitin akademik 2019/2020.  Në ceremoni përveç rektorit dhe prorektorëve, ishin të pranishëm edhe drejtuesit e Parlamentit Studentor.

Rektori Musaj, uroi studentët që kanë plotësuar kriteret për të fituar bursën. “Suksesi i juaj ju bën nder juve, familjeve dhe padyshim edhe universitetit tonë, prandaj ne jemi shumë të kënaqur me punën dhe përkushtimin tuaj”, tha ai.

Ndërsa, kryetari i Parlamentit Studentor, Ensar Suma, falënderoi rektorin dhe menaxhmentin në përgjithësi për mbështetje. “Jemi shumë të kënaqur me mbështetjen që kemi prej menaxhmentit. Bursat janë një motiv shtesë për ne dhe patjetër edhe për gjeneratat e ardhshme”.

Ndryshe bursat që do të ndahen nga UMIB-i për studentët që kanë plotësuar kriteret janë në vlerë  prej 1 mijë eurosh për secilin.  Bursistët janë studentë të nivelit bachelor dhe master.

Marrëveshje bashkëpunimi me Universitetin “Fan S. Noli” në Korçë

Me qëllim të intensifikimit të zhvillimit të mësimit dhe kërkimit shkencor, Universiteti i Mitrovicës “Isa Boletini” (UMIB) do të bashkëpunoj ngushtë me Universitetin “Fan S. Noli” në Korçë. Për këtë u nënshkrua edhe një Marrëveshje Bashkëpunimi, gjatë një vizite që rektori i UMIB-it, Alush Musaj, realizoi në Korçë bashkë me kryesuesin e Këshillit Drejtues, Ali Topallin dhe zëvendëskryesuesin, Musa Dibrani.

Në takim me rektorin e Universitetit “Fan S. Noli” në Korçë, Ali Jashari, u bisedua për specifikat që kanë dy universitetet dhe fushat ku mund të shtrihet bashkëpunimi. Në këtë kontekst, u potencua rritja e ndërveprimit akademik si promotor i zhvillimit shumëdimensional të kombit.

Rektori Musaj, e falënderoi homologun e tij për bashkëpunim ndëruniversitar, që para së gjithash është në të mirë të vetë stafit akademik dhe studentëve. “Kjo mundëson zhvillimin e aktiviteteve të lidhura me shkëmbimin e stafit akademik, kërkuesve shkencorë dhe studentëve”.

Si aktivitete të parapara në kuadër të marrëveshjes së nënshkruar parashihet edhe shkëmbimi i teksteve mësimore dhe publike të tjera, realizimi i publikimeve të përbashkëta, shkëmbimi i publikimeve, organizimi i takimeve dhe seminareve të përbashkëta etj.

Studentët e Ekonomikut tregojnë performancë të lartë gjatës punës praktike

Studentët e Fakultetit Ekonomik të Universitetit të Mitrovicës “Isa Boletini” (UMIB), që janë angazhuar në punë praktike në Bankën Raiffeisen janë shquar me përgatitjen e tyre profesionale. Kjo u tha nga drejtuesit e kësaj banke, të cilët prezantuan rezultatet e një hulumtimi sa i përket performances së këtyre studentëve.

Naim Haxha, menaxher rajonal i Raiffeisen Bank, tha se është vlerësuar performanca e 9 studentëve të UMIB-it, që kanë kryer punën praktike. Sipas tij, këta studentë janë dalluar prej të tjerëve me përgatitjen profesionale, përderisa ka nevojë që të punohet më tepër në aspektin e socializimit.

Haxha theksoi se vlerësimi është bërë për tri aspekte të ndryshme. “Është vlerësuar testi i aplikacionit me shkrim, mandej puna praktike dhe praktikantët që janë në marrëdhënie pune. Rezultatet janë përtej pritshmërisë dhe kjo tregon për përgatitjen e tyre të mirë”, tha ai.

Ky prezantim është mirëpritur nga menaxhmenti i UMIB-it dhe Fakultetit Ekonomik. Prorektorja për Financa, Ajtene Avdullahi, tha se ky vlerësim është një mënyrë jashtëzakonisht e mirë për të identifikuar gjendjen reale të përgatitjes së studentëve për tregun e punës si dhe përshtatjen e syllabusit.

Ndërsa dekani i Fakultetit Ekonomik, Qazim Tmava, falënderoi drejtuesit e Raiffeisen Bank për bashkëpunim dhe për mundësitë që ofrojnë për studentët e UMIB-it.

Mirënjohje për studentët që morën pjesë në “Garën e diturisë”

Në një ceremoni të organizuar në rektoratin e Universitetit të Mitrovicës “Isa Boletini” (UMIB),  janë ndarë mirënjohje për studentët që kanë marrë pjesë në “Garën e diturisë” dhe “Garën për esenë më të mirë”. Mirënjohjet u ndanë nga prorektoret: Merita Shala e Ajtene Avdullahi.

Fillimisht të pranishmit i përshëndeti kryetari i Parlamentit Studentor, Ensar Suma, i cili falënderoi studentët që kanë marrë pjesë në këto gara. “Ka qenë një aktivitet shumë i mirë dhe që ka zgjuar interesimin e studentëve tanë, të cilët kanë treguar një performacë shumë të mirë të mirë”.

Ai gjithashtu falënderoi menaxhmentin e UMIB-it për mbështetje si dhe stafin akademik që ishin në juri të garës. “Në përgjithësi ishte një ngjarje e mirë e cila mund të bëhet tradicionale”, tha ai.

Ndërsa, prorektorja, Merita Shala, ka përgëzuar studentët për suksesin e treguar në këto gara. “Padyshim se këto momente janë të paharrueshme në rrugëtimin tuaj si studentë”, tha ajo, duke u zotuar për të mbështetur aktivitetet studentore.

Ndryshe në  “Garën e diturisë” kanë marrë pjesë gjithsej 10 grupe me nga 3 studentë.

Studentët e UMIB-it vizituan Universitetin e Tetovës

Një grup studentësh nga Universiteti i Mitrovicës “Isa Boletini” (UMIB), të prirë nga drejtuesit e Parlamentit Studentor kanë vizituar Universitetin e Tetovës (UT) në Maqedoninë e Veriut.  Ata kanë zhvilluar një takim me kolegët e tyre të UT-së, me të cilët kanë biseduar për mundësinë e bashkëpunimit.

Kryetari i Parlamentit Studentor të UMIB-it, Ensar Suma, falënderoi kolegët e tyre për pritjen dhe gatishmërinë për bashkëpunim. “Vizita dhe biseda me kolegët në UT ishte një përvojë jashtëzakonisht  e mirë për ne. Diskutuam për sfidat që kemi si studentë dhe angazhimin tonë për rritjen e rolit vendimmarrës në universitete”, tha ai.

Studentët e të dy universiteteve gjithashtu biseduan për organizimin e aktiviteteve të përbashkëta, të cilat do të ndikojnë në rritjen e cilësisë së punës në universitete si dhe dinamizimin e jetës studentore.

Sindikata organizoi aksion humanitar për të prekurit nga tërmeti në Shqipëri

Sindikata e punëtorëve në Universitetin e Mitrovicës “Isa Boletini” (UMIB), ka organizuar një aksion për të ndihmuar familjet e prekura nga tërmeti në Shqipëri. Punëtorët ju janë përgjigjur aksionit në mënyrë vullnetare, duke shfaqur humanitetin e tyre për të prekurit nga tërmeti.

Kryetari i sindikatës, Afrim Çelaj, tha se ata nuk kanë mundur të qëndrojnë indiferentë ndaj situatës së krijuar në Shqipëri nga tërmeti, si pasojë e të cilit pati shumë viktima dhe dëme të mëdha materiale. “Në emër të sindikatës, i falënderoj të gjithë ata që ju kanë përgjigjur këtij aksioni humanitar”, tha ai.

Çelaj tregoi se pas përfundimit të aksionit, mjetet e mbledhura janë derdhur në xhirollogarinë e hapur për ndihmë.

Rektori Musaj merr pjesë në konferencën e parë të rektorëve në Pejë

Duke marrë parasysh që konferenca kishte për qëllim ngritjen e cilësisë në arsimin e lartë, Prof.Dr. Alush Musaj, Rektor i Universitetit “Isa Boletini” në Mitrovicë prezantoi “Politikat e KShC-së ndaj IAL-ëve: Rasti i UMIB”.Pastaj, Rektori i UP-së, Prof.Dr. Marjan Dema, bëri një prezantim me temën “Cilësia në Arsimin e Lartë”, ku ndër të tjera theksoi se cilësia e arsimit duhet të filloj që nga shkollimi parafillor, kurse Rektori i UHZ-së, prezantoi para të pranishmëve “Standardet e reja të akreditimit institucional dhe IAL-ëve”.Fjalën e morën edhe Z. Bastian Baumann, Ekspert Ndërkombëtar i HERAS, foli rreth ndihmës austriake për AKA dhe IAL në ngritjen e cilësisë sipas standardeve Evropiane (ESG’s).

Thellohet bashkëpunimi me Universitetin e Lubjanës

Studentët e Juridikut vizituan Qendrën e Dokumentimit të Kosovës

Studenti mitrovicas prodhon djathë nga hirra

Urimi i rektorit Musaj, për Vitin e Ri 2020!