Një grup studentësh nga Universiteti “Isa Boletini” në Mitrovicë (UIBM), të prirë nga kryetarja e Parlamentit Studentor, Ariona Rushiti, kanë vizituar Universitetin “Aleksandër Moisiu” në Durrës.  Gjatë vizitës në Durrës, studentët mitrovicas janë shoqëruar edhe nga zyrtari i lartë  i Qendrës për Zhvillim në Karrierë, Alban Fazliu dhe sekretari i Fakultetit Juridik, Abdyl Beqiri.

Studentët janë pritur  nga kolegët e tyre në Universitetin “Aleksandër Moisiu” si dhe nga drejtori i Administrimit dhe Shërbimit Akademik, Xhafer Rakipllari.  Në takimet e zhvilluara  është biseduar për bashkëpunimin si dhe shkëmbimin e përvojave të mira ndërmjet studentëve të të dy universiteteve.

Në grupin e vizitorëve nga UIBM ka pasur studentë nga të gjitha njësitë akademike.