Në vazhdimësi të bashkëpunimit në mes të Fakultetit të Gjeoshkenave të Universitetit Isa Boletini në Mitrovicë dhe Fakultetit të Gjeologjisë dhe Minierave të Universitetit Politetknik të Tiranës nga data 26-28 Shkurt 2021, u mbajt trajnimi për aplikimin e pajisjeve gjeofizike.

Trajnimi u organizua për studentët e Fakultetit me iniciativën e menaxhmentit të FGJ. Trajnimin e mbajti nga Dr. Hamza Reçi, Profesor i Asocuar në Fakultetin e Gjeologjisë dhe Minierave të Universitetit Politetknik të Tiranës. Menaxhmenti i fakultetit e vlerëson lartë rëndësinë e trajnimit pasi që me anën e këtij trajnimi studentët aftësohen për aplikimin e pajisjeve gjeofizike dhe punën praktike në terren. Ky trajnim është vetëm një nga aktivitetet në kuadër të bashkëpunimit të vazhdueshëm në mes të dy Institucioneve.