Universiteti “Isa Boletini” në Mitrovicë ka lidhur marrëveshje bashkëpunimi me Salem State University, nga Salem, Massachusetts, SHBA. Në emër të UIBM marrëveshja është nënshkruar nga rektori i UIBM Prof.Dr. Alush Musaj, ndërsa, përfaqësues nga Salem State University ishte Prof.Dr. John Mc Ardle.

Dy universitetet u dakorduan që përmes kësaj marrëveshje të bashkëpunojnë por pa u kufizuar në, aktivitetet e mëposhtme:

1. shkëmbimin e informacionit dhe përvojës në lidhje me programet e shkëmbimit arsimor dhe duke bërë përpjekje bashkëpunuese për promovimin e tyre;
2. shkëmbim afatshkurtër dhe afatgjatë i profesorëve dhe personelit joakademik;
3. shkëmbimi i studentëve (përfshirë edhe të diplomuarit).

Salem State University është një universitet publik në Salem, Massachusetts. Themeluar në 1854, është instituti më i vjetër dhe më i madh i arsimit të lartë në Bregun e Veriut dhe është pjesë e sistemit universitar shtetëror në Massachusetts.

Të dyja palët u dakorduan për një bashkëpunim të mirëfilltë me qëllim të ngritjes së bashkëpunimit në fushat e ndryshme që janë në interes së zhvillimit të institucioneve gjegjëse.